बांधकाम व्यवसायिक विशाल गोखले यांचा पुढाकार
 |
पौड रस्त्यावरील कोथरूड पोलीस स्टेशनमधील सॅनिटायझेशन चेंबर महापौर मुरलीधर मोहोळ व पोलीस उपायुक्त पौर्णिमा गायकवाड यांच्या प्रमुख उपस्थितीत कार्यान्वित करण्यात आले. कोथरुड पोलीस स्टेशनच्या पोलिस निरीक्षक प्रतिभा जोशी व बांधकाम व्यावसायिक विशाल गोखले हे देखील या वेळी उपस्थित होते.
गोखले यांच्या वतीने राबविण्यात येणा-या या उपक्रमात पहिल्या टप्प्यात शिवाजीनगर, प्रभात रस्ता, डेक्कन जिमखाना, पौड रस्ता, कोथरूड, अलंकार पोलीस चौकी व वारजे येथील पोलीस ठाण्यांबाहेर सॅनिटायझेशन चेंबर उभारण्यात आले आहेत.
स्वत:चा जीव धोक्यात घालून चोख कर्तव्य बजाविणा-या पोलिसांसाठी काहीतरी करता आले याचा आनंद आहे, असे विशाल गोखले यांनी सांगितले. येत्या काही दिवसांमध्ये अंदाजे २० पोलीस ठाणे/ पोलीस चौक्यांमध्ये ही सुविधा उपलब्ध करून देण्यात येणार असल्याची माहितीही त्यांनी या वेळी दिली.
फोटो ओळ- पौड रस्त्यावरील कोथरूड पोलीस स्टेशनमधील सॅनिटायझेशन चेंबर आजपासून कार्यान्वित करण्यात आले. यावेळी फोटोत डावीकडून प्रतिभा जोशी, पौर्णिमा गायकवाड, मुरलीधर मोहोळ आणि विशाल गोखले.
0 Comments