एस. पी. इंटरनॅशनल कॉलेज मध्ये भारतीय स्वातंत्र्य दिन विविध कार्यक्रमांनी साजरा

पुणे : एस.पी. इंटरनॅशनल कॉलेज मध्ये  ७७ वा भारतीय स्वातंत्र्य दिन प्रतिष्ठित मान्यवरांच्या उपस्थिती   उत्साहात साजरा झाला.

या कार्यक्रमाचे प्रमुख पाहुणे, लष्कराचे प्रतिष्ठित सदस्य श्री. कीर्तीकुमार रावत, निवृत्त ब्लॅक कमांडो श्री. जगदीशचंद्र देसले, श्री. उत्तम वीर, निवृत्त पोलीस अधिकारी, प्रा. आनंद जेठे, संचालक "जेठेज् अकॅडमी" व सौ. कविता देशमुख, संचालिका "ड्रीम ऑफ डेजेल" यांच्या हस्ते ध्वजारोहण झाले.

याप्रसंगी अमर एज्युकेशन ट्रस्टचे अध्यक्ष श्री. अरुण सोकांडे पाटील, सौ. मंगल अरुण सोकांडे पाटील, श्री. अमर सोकांडे पाटील व सौ. पल्लवी अमर सोकांडे पाटील आणि इतर मान्यवर पदाधिकारी, विद्यार्थी, शिक्षक व पालक आदी उपस्थिती होते.

भारतीय संरक्षण सेवेत विशेषत: नौदल जहाजे, पाणबुडी आणि युद्धनौका या क्षेत्रातील उल्लेखनीय योगदान व भौतिकशास्त्र व गणित विषयासाठी राज्यपाल पुरस्कार विजेते म्हणून ओळखले जाणारे शिक्षक, जेठेज् अकॅडमीचे संचालक, प्रमुख पाहुणे, प्रा. आनंद जेठे यांनी या कार्यक्रमाचे स्वागत केले.

स्वातंत्र्य दिन ही केवळ कॅलेंडरवरील तारीख नाही तर स्वतंत्र आणि समृद्ध भारतावर विश्वास ठेवणाऱ्या असंख्य व्यक्तींचा त्याग, संघर्ष आणि अखंड भावनेचे स्मरण आहे. भारताचा इतिहास आपल्या पूर्वजांच्या धैर्याने, शौर्याने रंगला आहे. आपले स्वातंत्र्य हे आपल्या पूर्वजांच्या अगणित त्यागाने, रक्ताने व कष्टाने मिळवलेले आहे, ते शरीरातील रक्ताच्या शेवटच्या थेंबापर्यंत अबाधित ठेवले गेले पाहिजे असे प्रा. जेठे म्हणाले.

प्रा. जेठे यांच्यासोबत भारतीय लष्कराचे प्रतिष्ठित सदस्य श्री. कीर्तीकुमार रावल व निवृत्त ब्लॅक कमांडो श्री.जगदीशचंद्र देसले यांनी आपले मनोगत व्यक्त केले. यावेळी श्री. कीर्ती कुमार यांनी विद्यार्थ्यांना आवाहन केले की त्यांनी देश सेवेसाठी स्वतःला वाहून द्यावे आणि भविष्यात भारतीय संरक्षण दलामध्ये सामील व्हावे. श्री. कीर्तीकुमार यांची उत्कृष्ट कारकीर्द आणि देशाच्या संरक्षणाप्रती असलेले समर्पण यामुळे कार्यक्रमाचे महत्त्व अधिक समृद्ध झाले.

निवृत्त ब्लॅक कमांडो श्री.जगदीशचंद्र देसले यांनी आपले मनोगत व्यक्त करताना आई मला छोटीशी बंदूक दे ना हे बालगीत सादर केले.  "लहानपणी आईने खोटी बंदूक दिली होती परंतु मला खरी बंदूक चालवायची होती म्हणून मी ब्लॅक कमांडो झालो." तुम्हीही तुमचे स्वप्न पूर्ण करा, असे ते विद्यार्थ्यांना उद्देशून बोलले. त्यांचे भारतीय सेना आणि सिनेमा यांमधील योगदान अतुलनीय आहे. निवृत्तीनंतर त्यांनी  "ज्ञानेश्वर माऊली", "शेतकरी नवरा हवा" या मालिका व "अहम" या मराठी चित्रपटात विशेष भूमिका साकारली आहे.

विद्यार्थ्यांनी सादर केलेली एकता, विविधता आणि प्रगतीचे महत्त्व अधोरेखित करणारी देशभक्ती  आणि हृदयस्पर्शी भाषणे यांच्या सुसंवादी मिश्रणाने प्रेक्षकांना मंत्रमुग्ध केले. अमर एज्युकेशन ट्रस्ट संचालित एस.पी. इंटरनॅशनल कॉलेज व ज्ञान प्रसारक कॉलेज हे शिक्षणाला चालना देण्यासाठी आणि सर्वांगीण विकासासाठी असलेली वचनबद्धता आणि शिष्टाचार सिद्ध करत आहे.

देशाच्या स्वातंत्र्याचे स्मरण करून , देशाच्या संरक्षणात महत्त्वपूर्ण योगदान देणाऱ्यांचा सन्मान करत, शाळेने आपल्या विद्यार्थ्यांमध्ये सेवा आणि कृतज्ञतेची मूल्ये रुजवली आहेत.

आपल्या राष्ट्राबद्दल अभिमानाची भावना, श्री. कीर्तिकुमार रावत, श्री. जगदीशचंद्र देसले, श्री. उत्तम वीर, प्रा.आनंद जेठे, सौ. कल्पना देशमुख आणि अमर एज्युकेशन ट्रस्टचे पदाधिकारी यांनी केलेल्या मार्गदर्शनामुळे भारताच्या भावी पिढ्यांच्या हृदयात स्वातंत्र्याची भावना आणि उत्कृष्टतेचा शोध सतत फुलत राहील.